Sundabraut verði sem fyrst að veruleika
Setja bókamerki
Bæjarráð Mosfellsbæjar leggur mikla áherslu á að uppbygging Sundabrautar verði að veruleika sem allra fyrst.
Þetta kom fram í bókun á fundi ráðsins í gær þar sem fjallað var um skýrslu verkefnishóps samgöngu- og sveitarstjórnarráðherra og Samtaka sveitarfélaga á höfuðborgarsvæðinu um málefni Sundabrautar.
Samþykkt var að vísa erindinu til skipulagsnefndar til kynningar.
„Lagning Sundabrautar leysir að öllum líkindum mikinn umferðarvanda á norðurhluta höfuðborgarsvæðisins og mun m.a. draga úr umferð í Ártúnsbrekku og á Vesturlandsvegi í gegnum Mosfellsbæ,“ segir í bókuninni.
„Því ber að gæta sérstaklega að því að ekki verði lagðar hindranir og aukinn kostnaður í aðalskipulagi Reykjavíkur sem truflað gæti lagningu Sundabrautar í framtíðinni svo sem með skipulagðri byggð.“
Bæjarráð hvetur Samtök sveitarfélaga á höfuðborgarsvæðinu og ríkið til að hraða undirbúningi og framkvæmdum við Sundabraut eins og kostur er.
„Tíminn er runninn út fyrir Kristján Loftsson“
Starfsfólk gæti fengið reikning frá Skattinum
Hjón sluppu með skrekkinn
Mikil skjálftavirkni á landinu áhyggjuefni
„Það er skiljanlegt að þolinmæði þeirra sé lítil“
Segir óábyrgt að skipta út öllu bankaráðinu