Tilkynnt var um eld í ruslagámi og fiskikörum við Eyjaslóð á Granda í miðborg Reykjavíkur á öðrum tímanum í nótt.
Slökkviliðið á höfuðborgarsvæðinu svaraði kallinu og samkvæmt upplýsingum þaðan gekk vel fyrir sig að slökkva eldinn.
Eldurinn var bundinn við ruslagám sem þarna er og hafði borist í fiskikör einnig, en ekki var á nokkrum tímapunkti hætta á því að hann bærist í nærliggjandi hús.