Lélegt skyggni á fjallvegum

Kuldaskil ganga yfir landið í dag frá suðri til norðurs, með snjókomu og skafrenningi og lélegu skyggni á fjallvegum, samkvæmt ábendingum veðurfræðings á vef Vegagerðarinnar.

Þá er einnig hvasst, en vindhraði er á bilinu 19-23 m/s á heiðum á norðvestanverðu landinu. Það lægir og styttir upp í kvöld og nótt, fyrst syðst, en vissara er fyrir vegfarendur að fara varlega fram að því og fylgjast vel með færð á vegum.

Frétt af mbl.is

Hvasst í dag vegna djúprar lægðar á Grænlandshafi

Nokkrir fjallvegir eru lokaðir vegna veðurs, en þar á meðal eru Fróðárheiði, Þröskuldar og Steingrímsfjarðarheiði. Þá er Siglufjarðarvegur lokaður vegna óveðurs og Ólafsfjarðarvegur um Lágheiði sagður ófær.

Frétt af mbl.is

Tvær rútur fuku af veginum á Hellisheiði

Hellisheiði er líka enn lokuð sökum þess að þar fóru tvær rútur út af veginum í snarpri vindhviðu snemma í morgun. Hjáleið er um Þrengsli.

Veðurvefur mbl.is

• Blogga um frétt