Einn sexmenninganna laus úr haldi

Fimm menn eru í varðhaldi til 31. janúar.
Fimm menn eru í varðhaldi til 31. janúar. mbl.is/Eggert

Einn sexmenninganna, sem úrskurðaðir voru í gæsluvarðhald 19. janúar vegna rannsóknar lögreglunnar á höfuðborgarsvæðinu á skipulagðri brotastarfsemi, er laus úr haldi lögreglu.

Maðurinn var úrskurðaður í varðhald til 27. janúar en hinir fimm, sem enn eru í varðhaldi, voru úrskurðaðir í varðhald til 31. janúar.

Fram kemur í tilkynningu frá lögreglunni á höfuðborgarsvæðinu að ekki hafi verið lögð fram krafa um áframhaldandi gæsluvarðhald yfir þeim sem var látinn laus úr haldi.

Áður hafði verið greint frá því að mennirnir voru handteknir í umfangsmiklum aðgerðum lög­reglu, en ráðist var í hús­leit­ir víða á höfuðborg­ar­svæðinu. Lagt var hald á fíkni­efni, vopn og fjár­muni að sögn lög­reglu.

mbl.is
Fleira áhugavert
Fleira áhugavert