Mælar Veðurstofunnar greina áframhaldandi landris við fjallið Þorbjörn á Reykjanesskaga. Risið er á sama hraða og síðustu daga, 3-4 mm á dag. GPS-mæli hefur verið komið fyrir á toppi fjallsins Þorbjarnar til að vakta og greina betur landrisið á svæðinu.

Þetta kemur fram á vef Veðurstofu Íslands.

Frétt af mbl.is

Áfram þensla og landris komið í þrjá sentimetra

„Þróunin síðasta sólarhringinn er bara mjög svipuð og hún hefur verið frá upphafi. Það er stöðugt landris, þrír til fjórir millímetrar á dag, og það sem við sjáum í morgun er að það hefur haldið áfram,“ er haft eftir Benedikt Ófeigssyni, sérfræðingi í jarðskorpuhreyfingum hjá Veðurstofunni.

Sólarhringsvakt Veðurstofunnar mun fylgjast áfram grannt með þróun mála en gert er ráð fyrir áframhaldandi skjálftavirkni á svæðinu.

Tengdar fréttir

Landris á Reykjanesi

Land rís enn á Reykjanesskaga

• Mesta virkni sem hefur mælst frá upphafi
• Auka vöktun með efnainnihaldi neysluvatns
• Jörð skelfur við Krýsuvík
• Jarðskjálfti upp á 3,5 stig

» Fleiri tengdar fréttir

• Blogga um frétt