Stefán fékk „bestu meðmæli“ borgarstjóra

Dagur B. Eggertsson borgarstjóri óskar Ríkisútvarpinu og stjórn þess til hamingju með ráðningu Stefáns Eiríkssonar borgarritara í útvarpsstjórastöðuna. Hann segir að Stefán sé „fengur“ fyrir RÚV og skilji eftir sig skarð sem þurfi nú að fylla hjá borginni.

Frétt af mbl.is

Stefán Eiríksson ráðinn útvarpsstjóri

Borgarstjóri segir að Stefán hafi verið frábær samstarfsmaður, bæði í störfum fyrir Reykjavíkurborg frá 2014 og þar áður sem lögreglustjóri á höfuðborgarsvæðinu.

„Hann fékk því mín bestu meðmæli þegar eftir því var leitað, enda á Stefán ekki annað skilið: frábær og traustur samstarfsmaður, leiðtogi og heilsteypt manneskja svo fátt eitt sé talið - og fjári skemmtilegur í þokkabót,“ skrifar borgarstjóri á Facebook-síðu sína í dag.

• Blogga um frétt