„Þetta er byrjað að taka aðeins í“
Setja bókamerki
Íslensk ferðaþjónustufyrirtæki eru byrjuð að finna fyrir því að kínverskir ferðamenn eru farnir að afbóka ferðir sínar hingað til lands vegna kórónaveirunnar.
„Hótelin eru farin að finna fyrir þessu. Hópferða- og afþreyingarfyrirtækin líka. Þetta er byrjað að taka aðeins í,“ segir Jóhannes Þór Skúlason, framkvæmdastjóri Samtaka ferðaþjónustunnar.
Í morgun var greint frá því í Kína að 4.515 staðfest smit væru þar í landi en daginn áður voru þau 2.835 talsins. Hert hefur verið enn frekar á ferðatakmörkum fólks og í sumum borgum er nú skylda að bera grímur á almannafæri.
Jóhannes kveðst ekki hafa heildarsýn yfir hversu mikið hefur verið um afbókanir en nefnir að sérstaklega slæmt sé fyrir ferðaþjónustuna þegar hópar afbóka ferðir. Um 60% kínverskra ferðamanna sem hingað ferðast koma í hópum. Þó hefur færst í vöxt að þeir koma til Íslands á eigin vegum.
99 þúsund kínverskir ferðamenn í fyrra
Á síðasta ári komu um 99 þúsund kínverskir ferðamenn til Íslands. Að sögn Jóhannesar Þórs miðuðu spár fyrir þetta ár við að fjöldinn færi í 100 til 115 þúsund manns á þessu ári miðað við óbreytt árferði.
„Það eru ákveðnar áhyggjur uppi og ýmis fyrirtæki sjá fyrir sér að þetta geti valdið búsifjum,“ bætir hann við. Meðal annars velta menn fyrir sér hvað gerist í sumar því núna er að fara í hönd mikið bókunartímabil fyrir sumarið.
Verðbólgan komin niður í 6%
„Það þarf að vinna mikinn fjölda upp“
Skemmtiferðaskip hætt komið nærri Viðey
Veiting hvalveiðileyfis ekki brot á EES-samningi
„Skýr skilaboð til Seðlabankans“
Handteknir eftir myndatöku í Vesturbæjarlaug
Skiptir miklu meira máli en fólk grunar
„Okkur miðar í rétta átt“