Þörf á „kraftaverki“ í deilunni
Setja bókamerki
„Við erum á nákvæmlega sama stað og við vorum og eigum fund á föstudag,“ segir Sólveig Anna Jónsdóttir, formaður Eflingar, eftir fund í kjaradeilu stéttarfélagsins við Reykjavíkurborg í dag. Fyrirhugaðar verkfallsaðgerðir starfsfólks Eflingar í borginni hefjast 4. febrúar nái samningsaðilar ekki saman fyrir þann tíma.
Sólveig segir að ekkert markvert hafi komið fram á fundinum og því muni það ráðast á föstudaginn hvort takist að semja áður en fyrirhugaðar verkfallsaðgerðir hefjast. Formaðurinn er ekki bjartsýn á að það takist:
„Að mínu mati þyrfti kraftaverk að eiga sér stað til að einhver lausn á þessari mjög hörðu deilu yrði áður en að aðgerðum kæmi hjá okkur,“ segir Sólveig. Verkfallið nær til starfsfólks á leikskólum borgarinnar, fyrir utan menntaða leikskólakennara, starfsfólk hjúkrunarheimila, í heimahjúkrun og við sorp- og gatnaumhirðu.
Efling kynnti tilboð sitt um hvernig leysa ætti kjaradeiluna í síðustu viku þar sem meðal annars kom fram að desemberuppbót hækkaði úr um 97 þúsund krónum eins og hún er núna í rúmar 380 þúsund krónur í janúar 2022.
Stéttarfélagið kynnti kostnaðaráætlun í gær þar sem fram kom að kröfur Eflingar næmu fjórum bröggum.
Sólveig segir að það hafi ekki komið nein viðbrögð við kostnaðarmatinu og engin ásættanleg viðbrögð við tilboðinu frá því í síðustu viku.
Handtekin eftir að tvö börn fundust látin
Tóku upp hanskann fyrir leikskólabörn
Árshátíð ríkislögreglustjóra haldin í Tékklandi
Tveir í bílnum sem lenti utan vegar
Hernaðaraðstoð samþykkt – Vopnasendingar í vikunni
Handteknir eftir myndatöku í Vesturbæjarlaug
Skar höfuðleðrið af íslenskri konu