„Ég fékk mér skyr og brauð, enginn vandi,“ segir Laura Claessen, sem er vön að borða í hádeginu í Samfélagshúsinu á Aflagranda. Þar voru starfsmenn í verkfalli í dag og það sama má segja um önnur dvalar- og þjónustuheimili Reykjavíkurborgar. Fólk kippti sér lítið upp við verkfallið.

Í dag var fyrsti heili dagurinn í skæruverkföllum Eflingar en hinn sautjánda febrúar hefst allsherjarverkfall ef ekki næst að semja. Þá gæti málið vandast á heimilum þar sem þjónustan er meiri. Guðbjörg Teresía Einarsdóttir er forstöðumaður á Vitatorgi þar sem þjónustuíbúðir eru fyrir aldraða. Hún segir að allsherjarverkfall myndi koma illa niður á heimilisfólki þar sem ekki væri hægt að baða það, svo eitthvað sé nefnt. Augaleið gefi að það geti ekki gengið til lengri tíma.

Í myndskeiðinu er kíkt á Aflagrandann og Vitatorg í hádeginu í dag. Þar var heldur tómlegt um að litast þar sem yfirlitt er mikið um að vera á venjulegum dögum.

Þeir Arnar Arngrímsson, Sigurður Dagbjartsson, Ragnar Jóhannsson og Jón Þorvarðarson létu verkfallið ekki trufla bridge-spil dagsins hjá sér þó aðrar ráðstafanir hafi verið gerðar í hádeginu. Spjallað er við þá félaga í myndskeiðinu. mbl.is/Hallur Már

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir

• Blogga um frétt