Neyðarástandi var lýst yfir á Keflavíkurflugvelli um klukkan hálffjögur í dag þegar farþegaþotu Icelandair, sem var að koma frá Berlín, hlekktist á eftir lendingu er hjólabúnaður hennar brotnaði. 166 voru um borð, 160 farþegar og 6 manna áhöfn.

Á myndinni sést hvernig annar hreyfill vélarinnar liggur niðri við jörðina. Ljósmynd/flugblogg.is

Samkvæmt upplýsingum frá Icelandair urðu engin slys á fólki en unnið er að því að koma fólki frá borði. Samhæfingarstöð almannavarnadeildar ríkislögreglustjóra í Skógarhlíð var virkjuð með fullu viðbragði vegna atviksins.

Ljósmynd/Aðsend

Samkvæmt heimildum mbl.is var lendingin ansi harkaleg, en viðbragðs- og áfallateymi hafa verið virkjuð og haft hefur verið samband við rannsóknarnefnd samgönguslysa.

Guðjón Helgason, upplýsingafulltrúa Isavia, segir vélina enn vera á flugbrautinni, en verið að bíða eftir því að fá stigabíla og rútur til að hleypa fólki frá borði. Hin flugbrautin er þó í notkun á meðan.

Ljósmynd/Aðsend

Ljósmynd/Aðsend

Tengdar fréttir

Hjólabúnaður vélar Icelandair brotnaði í lendingu.

Skilgreina brotlendinguna sem flugslys

• Hreyflarnir í eigu Icelandair
• Hlutir úr hjólastelli fundust á flugbrautinni
• Lendingarbúnaður flugvélarinnar var glænýr
• Búið að draga flugvélina af flugbrautinni

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Allt að 50 hnúta hliðarvindur á ská framan frá.