Rauði krossinn hefur opnað fjöldahjálparstöð félagsheimilinu Leikskálum í Vík í Mýrdal. Á tíunda  tímanum voru um tíu manns, allt erlendir ferðamenn, saman komnir í miðstöðinni auk þriggja sjálfboðaliða, að sögn Brynhildar Bolladóttur, upplýsingafulltrúa Rauða krossins. 

Ekki vitað hvort von sé á fleirum en fjöldahjálparstöðin verður opin á meðan þörf þykir. 

Búið er að loka þjóðveg­in­um und­ir Eyja­fjöll­um frá Selja­lands­fossi að Vík í Mýr­dal en vonsku­veður er á syðsta hluta lands­ins. 

Frétt af mbl.is

„Grenjandi bylur“ í Vík

Brynhildur segir að búast megi við að fleiri fjöldahjálpastöðvar verði opnaðar á Suðurlandi eða Suðausturlandi eftir því sem veður versnar. 

Búast má við víðtækum lokunum vega og hefur Vegagerðin gefið út áætlun um mögulegar lokanir. Meðal fyrirhugaðra lokana má nefna Hellisheiði frá klukkan 2 í nótt, Reykjanesbraut frá klukkan 3 og Holtavörðuheiði og Öxnadalsheiði frá miðnætti en áætlunina í heild sinni má sjá hér.

Tengdar fréttir

Ofsaveður í febrúar 2020

Tjón á Blátindi eftir flakk um höfnina

• Tjón hleypur á hundruðum milljóna
• Veturinn óvenjukostnaðarsamur fyrir RARIK
• Rafmagnstruflanir næstu daga og vikur
• Ekki lengur þörf á að skammta rafmagn á Suðurlandi

» Fleiri tengdar fréttir

• Blogga um frétt