„Það er glórulaus bylur,“ segir Óskar Pétur Friðriksson, fréttaritari Morgunblaðsins í Vestmannaeyjum. Spár gera ráð fyrir fárviðri í Vestmannaeyjum í nótt og á morgun.

Samkvæmt vefsíðu Vegagerðarinnar fer vindur í hviðum í 25 m/s við Básaskersbryggju í Eyjum en þrátt fyrir það segir Óskar að Kári sé ekki farinn að blása það hressilega enn.

„Það er búið að bæta rólega í veðrið í allan dag og þetta virðist alveg ætla að ganga eftir,“ segir Óskar en spár gera ráð fyrir því að vindhraði fari í allt að 40 m/s. Reiknað er með því að veðrið nái hámarki um miðja nótt í Eyjum.

Frá höfninni í Vestmannaeyjum í kvöld. mbl.is/Óskar Pétur Friðriksson

Óskar segir að íbúar í eyjunni fögru hafi nýtt daginn í að láta aukaspotta í báta við bryggjuna og ýmsa lausa hluti sem geti farið á flug í miklum vindi.

Margir hafi líka bundið ruslatunnur sínar fastar eða komið þeim inn en Óskar segir að margar tunnur hafi farið á flug í óveðrinu í desember. 

Frétt af mbl.is

Bíll fauk á vegg og salttjald „fór til fjandans“

Eyjamenn nýttu tímann síðdegis til að festa skip sín við bryggju. mbl.is/Óskar Pétur

Tengdar fréttir

Ofsaveður í febrúar 2020

Tjón á Blátindi eftir flakk um höfnina

• Tjón hleypur á hundruðum milljóna
• Veturinn óvenjukostnaðarsamur fyrir RARIK
• Rafmagnstruflanir næstu daga og vikur
• Ekki lengur þörf á að skammta rafmagn á Suðurlandi

» Fleiri tengdar fréttir

• Blogga um frétt