Öllum akstri hjá Strætó á höfuðborgarsvæðinu verður aflýst í fyrramálið, 14. febrúar. Búast má við frekari upplýsingum milli kl. 10 og 11 á morgun.
Þetta kemur fram í tilkynningu frá Strætó.
Veðurstofa Íslands hefur hækkað viðvörun vegna veðurs fyrir morgundaginn úr appelsínugulri í rauða á höfuðborgarsvæðinu, Suðurlandi, Faxaflóa og Suðausturlandi.
Rauða viðvörunin er í gildi á höfuðborgarsvæðinu frá því sjö til klukkan ellefu í fyrramálið.