Maður hefur verið fluttur á sjúkrahús eftir að hafa orðið fyrir þakplötu í Hvalfirði í morgun. Þetta staðfestir slökkviliðið á höfuðborgarsvæðinu við mbl.is, en Vísir sagði fyrst frá.
Sjúkrabíll var sendur upp í Hvalfjörð eftir manninum og gekk ferðin þangað vel þrátt fyrir ofsaveður og sjúkraflutningamenn voru komnir á staðinn á tíunda tímanum.
Engar upplýsingar fást um líðan mannsins.