Nær engin umferð er á götum höfuðborgarsvæðisins þennan föstudagsmorguninn, enda rauð veðurviðvörun í gildi til kl. 11 og búið að brýna fyrir fólki að vera ekki á ferðinni nema það nauðsynlega þurfi.

Frétt af mbl.is

Fjölda fyrirtækja og stofnana lokað

Öll kennsla í grunnskólum, framhaldsskólum og háskólum höfuðborgarsvæðisins liggur niðri í dag, en leikskólar og grunnskólar eru þó opnir með lágmarksmönnun, sem ætlað er að þjóna þeim foreldrum sem nauðsynlega þurfa á vistun fyrir börn sín að halda – og þá er átt við fólk sem sinnir neyðarþjónustu eins og löggæslu, slökkvistörfum og björgunarsveitaútköllum.

Þá hafa mörg fyrirtæki ýmist ákveðið að hafa lokað fram að hádegi eða veita starfsmönnum sínum tækifæri til þess að vinna heiman frá sér, sé það mögulegt.

Frétt af mbl.is

Öll nýjustu tíðindi af ofsaveðrinu

Ljósmyndari mbl.is og Morgunblaðsins, sem er á meðal þeirra fáu sem eru á ferðinni, tók meðfylgjandi mynd af Kringlumýrarbrautinni í átt til Hamraborgar kl. 8:30 í morgun, en á venjulegum degi væri bíll við bíl í átt að miðborg Reykjavíkur á þessum tíma.

Tengdar fréttir

Ofsaveður í febrúar 2020

Tjón á Blátindi eftir flakk um höfnina

• Tjón hleypur á hundruðum milljóna
• Veturinn óvenjukostnaðarsamur fyrir RARIK
• Rafmagnstruflanir næstu daga og vikur
• Ekki lengur þörf á að skammta rafmagn á Suðurlandi

» Fleiri tengdar fréttir

• Blogga um frétt