Reykjanesbraut og Grindavíkurvegi verður lokað klukkan fimm en þar er að bæta mikið í vind. Búið er að loka Hellisheiði og Þrengslum.

Búast má við víðtækum lokunum á vegum samkvæmt upplýsingum frá Vegagerðinni.

Samkvæmt upplýsingum frá hreinsunardeild Reykjavíkurborgar er lítill snjór á götum borgarinnar en mjög hvasst þannig að það er mjög blint, sérstaklega í efri byggðum. Í Úlfarsárdal skefur mjög mikið en annars staðar er lítill snjór. Unnið verður að hreinsun á hefðbundinn hátt og þegar óveðrið gengur yfir verður staðan tekin að nýju en spáð er hlýindum síðar í dag. 

Eitthvað er um að lausamunir séu farnir að fjúka á höfuðborgarsvæðinu. Meðal annars fauk strætóskýli á Sogavegi og söfnunarkassar frá Skátum hafa verið að fjúka samkvæmt upplýsingum frá hreinsunardeild Reykjavíkurborgar. 

Mynd úr safni. mbl.is/Ómar Óskarsson

Tengdar fréttir

Ofsaveður í febrúar 2020

Tjón á Blátindi eftir flakk um höfnina

• Tjón hleypur á hundruðum milljóna
• Veturinn óvenjukostnaðarsamur fyrir RARIK
• Rafmagnstruflanir næstu daga og vikur
• Ekki lengur þörf á að skammta rafmagn á Suðurlandi

» Fleiri tengdar fréttir

• Blogga um frétt