Skerðingu á rafmagni í Vestmannaeyjum verður vonandi aflétt fljótlega. Viðgerð á Hellulínu 1 er lokið og línan er á leið í rekstur, að því er segir í tilkynningu frá Landsneti þar sem farið er yfir stöðuna á flutningskerfinu. 

Rafmagn var tekið af hluta bæjarins um tíma í dag vegna álags þar sem varaaflsstöðvar náðu ekki að sinna bænum í heild sinni. 

Frétt af mbl.is

Varaafl ræst í Vestmannaeyjum

Víða hafa verið raf­magnstrufl­an­ir á Suður- og Vest­ur­landi í morg­un vegna óveðursins sem gengur yfir landið. Viðgerð er að klárast á Korpulínu 1 og er reiknað með henni í rekstur um klukkan fjögur. 

Þá er verið að undirbúa viðgerð á Hvolsvallalínu þar sem brotnuðu sex stæður en viðgerð mun taka einhvern tíma.

Vatnshamralína 1 er komin í rekstur og Prestbakkalína sömuleiðis, en hún verður ekki tekin í rekstur strax vegna eldingarhættu.

Frétt af mbl.is

Eldingaveður tefur fyrir rafmagnsviðgerðum

Tengdar fréttir

Ofsaveður í febrúar 2020

Tjón á Blátindi eftir flakk um höfnina

• Tjón hleypur á hundruðum milljóna
• Veturinn óvenjukostnaðarsamur fyrir RARIK
• Rafmagnstruflanir næstu daga og vikur
• Ekki lengur þörf á að skammta rafmagn á Suðurlandi

» Fleiri tengdar fréttir

• Blogga um frétt