Bílvelta varð við Moldhaugnaháls, skammt norður af Akureyri, laust eftir klukkan ellefu í gærkvöld. Karlmaður og unglingur voru í bílnum og náðu þeir að koma sér sjálfir út úr honum. Ekki er vitað hvað olli bílveltunni en hálka var á veginum.
Samkvæmt upplýsingum frá lögreglunni á Akureyri sluppu þeir nánast alveg ómeiddir en voru fluttir á sjúkrahúsið á Akureyri til skoðunar.
Bíllinn var óökufær eftir veltuna og var fluttur af vettvangi með dráttarbíl.