Segja borgarstjóra fegra mögur tilboð borgarinnar
Setja bókamerki
Efling segir Dag B. Eggertsson borgarstjóra fara með villandi ummæli um þau tilboð sem Reykjavíkurborg hefur gert Eflingarfélögum, í sjónvarpsviðtali í Kastljósi í gær. Fram kemur í tilkynningu frá Eflingu að Reykjavíkurborg hefur ekki boðið Eflingarfélögum sérstaka leiðréttingu lægstu launa umfram taxtahækkanir að fyrirmynd lífskjarasamningsins svo neinu nemi.
„Þær upphæðir sem borgarstjóri fór með í viðtalinu í gær, með vísun í kjör ófaglærðs leikskólastarfsmanns, byggja á því að telja ekki núverandi sérgreiðslur í byrjunarupphæð en telja þær með í lokaupphæð.“ Efling segir framsetningu Dags í anda þeirra vinnubragða sem samninganefnd Reykjavíkurborgar hefur viðhaft, þar sem þegar umsamin réttindi eru sett í búning kjaraviðbóta. „Virðist þetta gert í þeim tilgangi að fegra mögur tilboð borgarinnar,“ segir í tilkynningu.
Þar segir jafnframt að samninganefnd Eflingar myndi samþykkja, og hafi ítrekað boðið, að grunnlaun hækki sem samsvarar lífskjarasamningnum, að viðbættri leiðréttingu á bilinu 17-46 þúsund krónur. Sú leiðrétting þyrfti ekki að vera í formi grunnlaunahækkunar heldur gæti verið sérstakt álag sem ekki kæmi inn í grunn til útreiknings á yfirvinnu og vaktavinnu.
Ekki hefur verið boðað til fundar í kjaradeilunni, en upp úr slitnaði í viðræðum Eflingar og Reykjavíkurborgar í gær. Ótímabundið verkfall hátt í 2.000 félagsmanna Eflingar í borginni heldur því áfram.
Trúnaðarmenn Eflingar komu saman á fundi í morgun og samþykktu eftirfarandi ályktun:
„Borgarstjóri, Dagur B. Eggertsson: þér hefur nú verið boðið að ræða kröfur okkar á fundum með félagsmönnum Eflingar ítrekað. Þú hefur ætíð hafnað þeim boðum. Þess í stað hefur þú aðeins látið sjá þig þegar þú færð að sitja einn í sjónvarpsviðtali, þar sem þú hefur talað niður okkar kjara- og réttlætisbaráttu. Þú kennir þig við stjórnmál samræðunnar. Við hörmum og fordæmum að þú viljir ekki eiga samtal við okkur, þitt eigið starfsfólk.“
Búið að bólusetja börn alla helgina
Tæknideild komin norður vegna andlátsins
Fiskikóngurinn: „Mér fannst sárt að heyra það“
Katrín: Jóhönnustjórnin talaði máli Íslands
Myndir: Reynir við heimsmet í Hlíðarfjalli í dag
„Mér finnst Halla Hrund svona Vigdísarleg“
Áköf mótmæli í bandarískum háskólum