Enginn fluttur á sjúkrahús

Ekki reyndist þörf á að flytja neinn þeirra, sem voru um borð í rútunni sem valt á Þingvallavegi, í morgun á sjúkrahús, samkvæmt upplýsingum frá slökkviliðinu á höfuðborgarsvæðinu.

Fólkið var allt flutt í þjónustumiðstöðina á Þingvöllum og meiðsli þeirra sem á annað borð kenndu sér meins voru minni háttar.

Frétt af mbl.is

Rúta með 23 um borð valt nærri Þingvöllum

Slökkviliðsmenn voru enn að störfum á staðnum laust fyrir kl. 13, en vart hefur orðið við olíuleka úr rútunni og unnið er að því að tryggja að olía leki ekki ofan í jarðveginn. Slysið átti sér stað vestan við Þingvallavatn, innan vatnsverndarsvæðis Þingvallavatns.

• Blogga um frétt