Gefin hefur verið út appelsínugul viðvörun fyrir Suðurland vegna austanstorms og stórhríðar. Viðvörunin tekur gildi klukkan 18:00 og varir til miðnættis. Gul viðvörun er í gildi á höfuðborgarsvæðinu, Faxaflóa, Austurlandi, Suðausturlandi og miðhálendinu.
Spár gera ráð fyrir austanstormi eða -roki, 23 til 28 m/s, á Suðurlandi og að vindhviður fari í allt að 40 m/s.
Fyrst austan til á svæðinu, einkum undir Eyjafjöllum og í Vestmannaeyjum en einnig með suðurströndinni seinna í kvöld. Stórhríð og skafrenningur.
Víðtækar samgöngutruflanir eru líklegar og ekkert ferðaveður á meðan viðvörunin er í gildi.