Tæplega fjögur hundruð Íslendingar erlendis hafa bæst við í gagnagrunn utanríkisráðuneytisins vegna kórónuveirunnar síðan í gær og er heildarfjöldi þeirra nú kominn í 769. Þetta segir Sveinn H. Guðmarsson, upplýsingafulltrúi ráðuneytisins, við mbl.is.

Í morgun var greint frá því að skráningar í gær væru orðnar um 400, en Sveinn segir að þeim hafi fjölgað mikið síðan þá. Samtals er um að ræða 351 skráningu, en fleiri en einn geta verið á bak við hverja skráningu, til dæmis fjölskyldur.

Frétt af mbl.is

400 Íslendingar skráð sig vegna veirunnar

Sveinn segir að aukninguna megi líklegast rekja til mikillar fjölmiðlaumfjöllunar bæði um veiruna sem og gagnagrunninn í gær.

Segir hann að gagnagrunnurinn sé hugsaður þannig að hægt sé að koma upplýsingum til Íslendinga erlendis þegar meiri háttar vendingar verði á þeim stöðum sem fólkið er statt á. Þá sé einnig gott fyrir borgaraþjónustuna að hafa upplýsingar um hvar Íslendingar séu staddir þegar komi að kórónuveirusýkingum.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt