Tvö sýni hafa verið tekin úr einstaklingum vegna gruns um kórónuveirusmit á Ísafirði í dag. Bæði hafa þau reynst neikvæð, og er sá einstaklingur sem var í einangrun á Heilbrigðisstofnun Vestfjarða í dag því kominn úr einangrun og í sóttkví á heimili sínu.

Frétt af mbl.is

Fimm í sóttkví og einn í einangrun á Ísafirði

Þetta kemur fram á Facebook-síðu Heilbrigðisstofnunar Vestfjarða í kvöld, en alls eru sex manns á Ísafirði nú í sóttkví og um tuttugu manns á landinu öllu, samkvæmt orðum sóttvarnalæknis á blaðamannafundi í dag.

Sóttkví er varúðarráðstöfun fyrir einkennalausa einstaklinga sem hafa verið á ferðalögum á skilgreindum áhættusvæðum. Gripið er til einangrunar sem varúðarráðstöfunar ef einhver einkenni eru fyrir hendi sem mögulega geta verið smit af völdum kórónuveirunnar.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt