Veginum um Öxnadalsheiði hefur verið lokað um óákveðinn tíma vegna umferðaróhapps, en tveir bílar rákust saman á heiðinni á þriðja tímanum.
Samkvæmt upplýsingum frá lögreglunni á Akureyri voru alls sjö í bílunum tveimur og eru meiðsli fólks ekki talin alvarleg.
Dráttarbíll er á leiðinni á vettvang og verður umferð opnuð um heiðina þegar hann hefur lokið störfum sínum.