Sérstakur stýrihópur sjö ráðuneytisstjóra hefur verið settur á fót að frumkvæði ríkisstjórnarinnar. Viðfangsefni hópsins eru samfélagsleg og hagræn viðbrögð við kórónuveirunni, COVID-19. 

„Útbreiðsla Covid-19-veirunnar hefur víðtæk samfélagsleg og efnahagsleg áhrif um allan heim sem birtist m.a. í lækkun hlutabréfa í kauphöllum og samdrætti í ferðaþjónustu,“ segir m.a. í tilkynningu frá Stjórnarráðinu en ríkisstjórnin ákvað á fundi sínum í morgun að setja á fót sérstakan stýrihóp sjö ráðuneytisstjóra. 

Stjórnvöld fylgjast náið með framvindu mála og leggja áherslu á að styrkja samhæfingu stjórnvalda þannig að unnt verði að grípa til viðeigandi ráðstafana hverju sinni.

Stýrihópurinn mun leggja mat á stöðuna og nauðsynleg samfélagsleg og efnahagsleg viðbrögð á hverjum tíma.

Hópinn skipa:

• Bryndís Hlöðversdóttir, ráðuneytisstjóri forsætisráðuneytis
• Ásta Valdimarsdóttir, ráðuneytisstjóri heilbrigðisráðuneytis
• Gissur Pétursson, ráðuneytisstjóri félags- og barnamálaráðuneytis
• Guðmundur Árnason, ráðuneytisstjóri fjármála- og efnahagsráðuneytis
• Haukur Guðmundsson, ráðuneytisstjóri dómsmálaráðuneytis
• Kristján Skarphéðinsson, ráðuneytisstjóri atvinnu- og nýsköpunarráðuneytis
• Sturla Sigurjónsson, ráðuneytisstjóri utanríkisráðuneytis

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt