Víðir Reynisson yfirlögregluþjónn hjá ríkislögreglustjóra lagði áherslu á það í lok blaðamannafundar vegna kórónuveirunnar í dag að það væri mikilvægt að þjóðin vandaði samtal sitt um veiruna.

Sagðist hann hafa orðið var við það að í fjölmiðlum væru sýndar myndir af veirunni „illa útlítandi,“ sem jafnvel vektu hræðslu hjá börnum.

„Það er mjög mikilvægt að við öll saman sem þjóð stöndum saman í þessu og tölum skynsamlega, sinnum þeim leiðbeiningum sem er beint til okkar og tökum ábyrgð öll á okkar eigin gerðum og okkar fjölskyldu og vinnum að því saman sem ein heild að takast á við þetta verkefni,“ sagði Víðir.

Blaðamannafundinum lauk um kl. 16:35 en með því að fylgja hlekknum hér að neðan má lesa um allt það helsta sem þar kom fram. 

Frétt af mbl.is

Beint: Blaðamannafundur vegna kórónuveirunnar

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt