Efling hefur samþykkt beiðni Reykjavíkurborgar um undanþágu frá verkfalli vegna sorphirðu. Var beiðnin sett fram vegna þess að talið var að verkfallið gæti dregið úr áhrifum sóttvarnaúrræða vegna kórónuveirunnar.

Viðar Þorsteinsson, framkvæmdastjóri Eflingar, staðfestir undanþáguna við mbl.is. Kom hún í fyrradag á borð Eflingar og var sett í hraðmeðferð þegar ljóst var að smit hefði greinst hér á landi í gær. Óskaði Efling eftir afstöðu almannavarnadeildar ríkislögreglustjóra og barst það í dag líkt og mbl.is hefur greint frá.

Frétt af mbl.is

Almannavarnir lýsa áhyggjum af verkfallsaðgerðum

Viðar segir að strax í kjölfarið hafi verið leitað eftir samþykki undanþágunefndar og kom það samþykki hratt og var einróma.

Um er að ræða opna undanþágu vegna sorphirðu í Reykjavík og nær hún til næsta föstudags. Segir Viðar að í framhaldinu verði málið metið að nýju.

Viðar Þorsteinsson, framkvæmdastjóri Eflingar. mbl.is/​Hari

Í kvöld barst svo einnig undanþágubeiðni sem varðar sérstaklega velferðarsvið Reykjavíkurborgar og nær til hjúkrunarheimila og búsetustaða aldraðra. Hafði almannavarnadeildin einnig minnst á þá hópa sem viðkvæmastir eru í tilkynningu sinni í dag: „Almannavarnadeild ríkislögreglustjóra og sóttvarnalæknir lýsa yfir áhyggjum vegna yfirstandandi og yfirvofandi verkfalla. Þetta eru aðgerðir sem geta haft áhrif á viðkvæmustu hópa samfélagsins eins og fólk á hjúkrunarheimilum. Þá getur takmörkuð sorphirða jafnframt dregið úr áhrifamætti sóttvarnaaðgerða.“

Viðar segir að fjallað verði um þessa beiðni eins fljótt og auðið er og hún unnin eftir að rætt hefur verið við almannavarnadeildina.

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir

• 1 blogg um fréttina

Bloggað um fréttina

• Sigurður Antonsson: Sóttvarnir mikilvægar, en veiran ekki eins skæð og áður var …