Sex ný smit kórónuveirunnar hafa greinst síðdegis og eru staðfest smit því orðin 134 talsins. Þetta kemur fram í stöðuskýrslu almannavarna sem send var út síðdegis.
Fjögur sýnanna má rekja til skíðasvæða í Ölpunum en nánari upplýsingar liggja ekki fyrir. Samtals hafa 1.188 sýni verið tekin, þar af 253 síðastliðinn sólarhring.
1.109 eru í sóttkví og 134 í einangrun.
Hér má nálgast allar tölulegar upplýsingar um útbreiðslu kórónuveirunnar á Íslandi.