Icelandair hefur boðið þeim farþegum sem eiga bókað flug með félaginu á næstu vikum að breyta dagsetningum á flugi, á meðan kórónuveiruástandið varir, án þess að greiða breytingagjald.

Þetta kemur fram í tilkynningu sem flugfélagið hefur sent viðskiptavinum sem eiga bókaða flugferð. Þar segir að áhersla sé lögð á sveigjanleika og að upplýsingar á vef félagsins um endurbókanir og breytingar breytist ört, og eru farþegar beðnir að kynna sér tilmæli Almannavarna og Landlæknis reglulega fram að fyrirhugaðri flugferð.

Frétt af mbl.is

Fylgist vel með vefsíðu Icelandair

Í tilkynningu Icelandair til farþega sinna segir jafnframt að starfsfólk flugfélagsins sé vel þjálfað og að í ljósi aðstæðna hafi allar verklagsreglur verið endurskoðaðar, sem og þrif og þjónusta um borð. Þá er mælt með því að farþegar hafi eigin vatnsflösku meðferðis á ferðalaginu, sem og sótthreinsivökva sem stenst viðmið um magn vökva í handfarangri.

„Að lokum viljum við leggja áherslu á að vellíðan og öryggi farþega okkar og starfsmanna er ávallt í forgangi hjá Icelandair. COVID-19-faraldurinn hefur haft mikil áhrif á starfsemi félagsins og okkur þykir miður ef þær ráðstafanir sem við höfum þurft að grípa til hafa áhrif á ferðir þínar. Við munum senda tilkynningar um stöðu mála þegar við á og gera okkar allra besta til að uppfylla þarfir farþega okkar við þessar óvenjulegu aðstæður.“

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt