Halda áætlun þrátt fyrir aðgerðir Danmerkur
Setja bókamerki
„Eins og staðan er núna er ennþá flug á áætlun hjá okkur á morgun og það hafa engar breytingar verið gerðar,“ segir Ásdís Ýr Pétursdóttir, upplýsingafulltrúi Icelandair, spurð um áhrif ákvörðunar danskra stjórnvalda um að loka landamærum Danmerkur að öllu leyti eða hluta.
Mette Frederiksen, forsætisráðherra Danmerkur, tilkynnti ákvörðun stjórnvalda á blaðamannafundi fyrr í kvöld en lokun landamæranna tekur gildi á hádegi á morgun.
Tvær ferðir til og frá Kaupmannahöfn eru á áætlun hjá Icelandair á morgun, önnur fyrir hádegi og hin eftir hádegi. Hvorugri ferðinni hefur verið aflýst og segir Ásdís að Icelandair hafi ekki fengið neinar formlegar upplýsingar vegna lokunar landamæranna.
„Þetta er náttúrlega eitthvað sem við vorum bara að fá fréttir af. Við erum ekki komin með nánari upplýsingar um það hvernig ferðabanninu verður framfylgt. Við verðum bara að taka stöðuna þegar við erum komin með nánari upplýsingar og spila þetta eftir eyranu áfram.“
Fljúga tvisvar til þrisvar á dag til Kaupmannahafnar
Icelandair flýgur tvisvar til þrisvar til Kaupmannahafnar og til baka daglega. Flugfélagið hefur óskað eftir ítarlegri upplýsingum frá dönskum stjórnvöldum vegna lokunar landamæranna.
„Það hefur bara sinn gang en við erum ekki komin með nákvæmar upplýsingar um það hvernig þessu verði framfylgt,“ segir Ásdís.
Innviðir þandir og álagið „gríðarlegt“
Myndskeið: Braut rúðurnar og rölti svo í burtu
Hafa samþykkt kaup fyrir um 9,2 milljarða
Kvikan virðist nú skiptast til helminga
Þrjú og hálft ár fyrir skotárás í Úlfarsárdal
/frimg/1/48/52/1485260.jpg)
Ölfusárbrú opnuð aftur eftir bílslys
Aukin tíðni þungunarrofa hjá yngsta aldurshópnum
Sat á þaki byggingarinnar þegar eldurinn kviknaði