Íslendingar sem koma frá Spáni, þar með talið Kanaríeyjum, og Frakklandi skulu fara í sóttkví í 14 daga frá og með deginum í dag, 14. mars 2020. Íslendingar sem koma frá Þýskalandi skulu fara í sóttkví í 14 daga frá og með 12. mars 2020.

Sóttvarnalæknir tók ákvörðun þess efnis síðdegis og hefur hækkað áhættumat fyrir Spán, Þýskaland og Frakkland í ljósi útbreiðslu kórónuveirunnar í þeim löndum. Önnur slík svæði eru: Kína, Íran, Suður-Kórea, Ítalía og skíðasvæði í Ölpunum.

Ástæða hækkunar á áhættumati er mikil fjölgun sýktra og alvarlega veikra í þessum löndum. Spánn (þar á meðal Kanaríeyjar), Þýskaland og Frakkland teljast því nú til hááhættusvæða, að því er segir í tilkynningu almannavarnadeildar ríkislögreglustjóra.

Líkt og greint var frá fyrr í dag hafa stjórnvöld ráðið Íslendingum frá ferðalögum og Íslendingum á ferðalagi erlendis ráðlagt að íhuga hvort ástæða sé til að flýta heimför.

Frétt af mbl.is

Íslendingum ráðið frá ferðalögum

Ekki er víst hvaða aðgang og réttindi Íslendingar munu hafa að heilbrigðisþjónustu auk þess sem heilbrigðiskerfi í mörgum ríkjum anna ekki álagi, hvort sem um er að ræða ferðamenn eða þá sem dvelja langdvölum erlendis.

Tengdar fréttir

Kórónuveiran Covid-19

Líklega rangt að loka öllu

• „Eins og að vakna upp í allt öðru lífi“
• Réttindamál covid-sjúklinga í lamasessi
• Hughreystandi bros á læknavakt
• Í fimm ára fangelsi fyrir að hvetja til hryðjuverka

» Fleiri tengdar fréttir

• Blogga um frétt