Stjórnendur hjá Flugfreyjufélagi Íslands hafa verið í sambandi við forsvarsfólk Icelandair alla síðustu daga til að leita lausna á þeim aðstæðum sem komnar eru upp í rekstri Icelandair vegna útbreiðslu kórónuveirunnar. Þetta segir Guðlaug Líney Jóhannsdóttir, starfandi formaður félagsins, í samtali við mbl.is.

„Við erum að skoða allar leiðir sem hægt er að fara,“ segir Guðlaug. 800 félagsmenn Flugfreyjufélagsins starfa hjá Icelandair, en bæði er um fastráðna og lausráðna starfsmenn að ræða.

Guðlaug segir að bæði sé horft til þess að verja störf félagsmanna, og einnig að finna góða lausn á jafn slæmum tímum og nú séu uppi.

Bogi Nils Bogason, forstjóri Icelandair, sagði við mbl.is fyrr í dag að félagið hefði rætt við stéttarfélög flugstarfsfólks um bæði tímabundna launalækkun og hlutastörf, en þar er meðal annars horft til væntanlegs frumvarps ríkisstjórnarinnar um að komið yrði tímabundið til móts við fyrirtæki með því að greiða hluta launa úr atvinnuleysistryggingum.

Frétt af mbl.is

Hægt verði að lækka starfshlutfall

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt