Staðfest smit vegna kórónuveirunnar eru orðin 198 talsins, samkvæmt vefsíðunni covid.is, og nýjustu tölur voru uppfærðar klukkan 21.30. Í dag voru 18 smit greind.
Alls eru 2.135 í sóttkví. 198 eru í einangrun og þrír eru á sjúkrahúsi. Alls hafa verið tekin 1.987 sýni. Sem fyrr eru flest smitin á höfuðborgarsvæðinu eða 179 og 1.518 í sóttkví. Næstflest eru á Suðurlandi eða 13 talsins. Fjögur smit hafa greinst á Suðurnesjum, eitt á Norðurlandi eystra og eitt er óstaðsett.
Flestir eru á aldursbilinu 40-49 ára og er skiptingin nokkuð jöfn milli kynja.