Það var falleg stund í garðinum á Hrafnistu-Ísafold í Garðabæ í dag þegar fjöldi söngvara söng þar nokkrar íslenskar dægurperlur fyrir heimilisfólkið sem kom sér vel fyrir á svölunum með teppi og kakó þar sem það hlýddi á tónlistina og fagnaði svo vel í lokin. 

Á meðal laga voru slagarar á borð við „Manstu ekki eftir mér“ sem Stuðmenn gerðu vinsælt, „Heyr mína bæn“ og „Vertu ekki að horfa svona alltaf á mig“ og lokalagið var að sjálfsögðu „Ég er kominn heim“.

mbl.is var að sjálfsögðu á staðnum og í myndskeiðinu má sjá brot úr lokalaginu.

Fyrr í dag var fjallað um framtakið á mbl.is. Það var Ingunn Björk Vilhjálmsdóttir sem stóð fyrir framtakinu en faðir hennar er einn heimilismanna og þar sem samkomubann er í gildi getur hún ekki heimsótt hann.

Frétt af mbl.is

Halda útisamsöng fyrir íbúa Hrafnistu í Garðabæ

Tengdar fréttir

Stöndum saman

Þetta gerir Þórólfur þegar útlitið er svart: „Búin að vera þung vika“

• Nettó veitir 44 milljónir króna til góðgerðarmála
• Partíréttirnir sem Siggi Gunnars mælir með fyrir kvöldið!
• „Kirkjan er opin og kemur til þín“
• 400 krakka hópdans í morgunsólinni

» Fleiri tengdar fréttir

• Blogga um frétt