Hægt verður að sækja um greiðslu bóta vegna skerts starfshlutfalls fyrir hádegi á morgun. Umsóknirnar fara fram rafrænt á heimasíðu Vinnumálastofnunar. Unnur Sverrisdóttir, forstjóri Vinnumálastofnunar, á von á að fjöldi umsókna muni skipta þúsundum. 

Líkt og greint var frá í síðustu viku hafa verið sett lög um at­vinnu­leys­is­trygg­ing­ar á minnkuðu starfs­hlut­falli og gilda lögin afturvirkt frá 15. mars. 

Frétt af mbl.is

Laun allt að 400 þúsund krónum að fullu tryggð

„Við búumst við mjög miklum fjölda en hversu miklum þori ég alls ekki að spá um,“ segir Unnur í samtali við mbl.is, en skýtur á milli tíu og tuttugu þúsund. 

Síminn hefur ekki stoppað hjá Vinnumálastofn­un síðustu daga þar sem fjöl­mörg fyr­ir­tæki eru að hafa sam­band vegna upp­sagna og annarra úrræða tengd­um kór­ónu­veirufar­aldr­in­um. „Það er rosalega mikið að gera. Allir sem vettlingi geta valdið eru í þessu verkefni,“ segir Unnur en flestar erindi sem berast eru óskir eftir leiðbein­ing­um varðandi upp­sagn­ir og eins at­vinnu­leys­is­bæt­ur vegna minnkaðs starfs­hlut­falls. Stofnunin er að meta hvort og þá hversu mörgum starfsmönnum þarf að bæta við. 

Frétt af mbl.is

„Síminn stoppar ekki “

Atvinnurekendur þurfa að staðfesta skert starfshlutfall

Unnur segir að í fyrstu hafi hún búist við að skert starfshlufall umsækjenda yrði margs konar en nú er útlit fyrir að flestir séu að fara niður í 25% starf. „Það er mikið spurt um 25 prósentin en ég er að vona að einhverjir sjái fram á einhverja glætu.“ 

Stofnunin er vel undirbúin fyrir morgundaginn en Unnur leggur áherslu á að svo að umsóknir fari í gegn þurfa atvinnurekendur að staðfesta minnkað starfshlutfall starfsfólks. „Ég tek það fram að atvinnurekendur þurfa líka að fara inn á Mínar síður og staðfesta minnkað starfshlutfall svo umsóknin fari áfram.“

Tilkynning verður send út í fyrramálið þegar umsóknargrunnurinn er tilbúinn og einstaklingar sem fara í minnkað starfshlutfall geta sótt um.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt