Nesdekk dekkjaverkstæði í Garðabæ og Nesdekk í Reykjanesbæ bjóða viðskiptavinum sínum upp á að sækja bílinn til þeirra og skila aftur að lokinni þjónustu. Þetta hefur mælst vel fyrir og margir nýta sér þjónustuna, einkum eldri borgarar. Fyllsta hreinlætis er að sjálfsögðu gætt. 

„Við sáum strax að það var kominn samdráttur hjá okkur og því ákváðum við að bjóða upp á þessa þjónustu. Í Garðabæ eru margir eldri borgarar sem eru dyggir kúnnar. Hugmyndin var fyrst að þjónusta okkar nánasta umhverfi en svo ákváðum við að bjóða öllum upp á þetta,“ segir Edilon Hellertsson, eigandi Nesdekk í Garðabæ, eða Eddi eins og hann er alltaf kallaður en þess má geta að eigandi Nesdekk í Reykjanesbæ er Ragnar Bjarni Gröndal.

Starfsmennirnir nota að sjálfsögðu plasthanska, plasta alla helstu snertifleti og allt er þrifið og sprittað hátt og lágt. „Við erum mjög meðvituð um að huga vel að öllu hreinlæti. Við erum að megninu til fjölskyldufólk og þetta skiptir okkur sem og alla aðra miklu máli,“ segir hann. 

Starfsmönnum á verkstæðinu hefur verið skipt niður og vinna tveir og tveir saman. Alls vinna fjórir starfsmenn í Garðabæ og hefur þurft að skera niður starfshlutfall allra þeirra niður um helming.

Hjalti Snær Kristjánsson og Edilon Hellertsson að störfum í Nesdekk í Garðabæ. Ljósmynd/Aðsend

Tengdar fréttir

Stöndum saman

Þetta gerir Þórólfur þegar útlitið er svart: „Búin að vera þung vika“

• Nettó veitir 44 milljónir króna til góðgerðarmála
• Partíréttirnir sem Siggi Gunnars mælir með fyrir kvöldið!
• „Kirkjan er opin og kemur til þín“
• 400 krakka hópdans í morgunsólinni

» Fleiri tengdar fréttir

• Blogga um frétt