Föstudagar eru þemadagar á hjúkrunarheimilinu Hrafnistu, eins og áður hefur verið greint frá á þessum vettvangi. Í gær var þemað helgað Ölmu Möller landlækni. 

„Alma er ekki bara glæsi­leg kona sem er flott í fata­vali held­ur einnig framúrsk­ar­andi í sínu starfi og hver vill ekki vera eins og Alma á þess­um tím­um,“ segir Árdís Hulda Eiríksdóttir, hjúkrunarfræðingur og forstöðumaður á Hrafnistu. Alma hefur enda vakið athygli fyrir fal­leg­an og klass­ísk­an klæðaburð síðustu vikur, þrátt fyrir annir. 

Ekki er að sjá annað en uppátækið hafi mælst vel fyrir meðal starfsfólks og vistmanna, sem sendu landlækni baráttukveðjur.