Eitt smit hefur greinst til viðbótar í Vestmannaeyjum og eru staðfest smit því orðin 54. Sá sem greindist var ekki í sóttkví.

Fjöldi einstaklinga sem hafa verið settir í sóttkví í Eyjum er orðinn 593 og hafa 136 lokið sóttkví. Niðurstaða hefur ekki borist vegna allra sýna sem send hafa verið til rannsóknar, vegna tafa við vinnslu hjá LSH, að því er fram kemur í tilkynningu frá aðgerðastjórn almannavarna í Eyjum.

„Þrátt fyrir að staðfest smit séu fá síðustu daga megum við ekki sofna á verðinum og förum að öllu með gát,“ segir í tilkynningunni.

Enn von á fleiri smitum

„Samkvæmt sóttvarnalækni er reiknað með að faraldurinn nái hámarki um miðjan apríl svo enn eigum við von á að greina fleiri smit í samfélaginu líkt og um allt land. Mikilvægi þess að fara að leiðbeiningum um sóttvarnir, sóttkví, einangrun, samkomubann, fjarlægðarmörk, takmarkað samneyti og að fólk haldi sig mest heima eru áréttaðar enda gríðarlega mikilvægt að farið sé að fyrirmælum þar til við erum komin vel yfir toppinn í smitum.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt