Kvöldmolar frá Borgarfirði

Þátturinn verður sendur út frá Borgarnesi í kvöld, á vegum …
Þátturinn verður sendur út frá Borgarnesi í kvöld, á vegum Kvikmyndafjelags Borgarfjarðar. mbl.is

Kvikmyndafjelag Borgarfjarðar stendur fyrir spjallþætti í kvöld kl. 20.30 sem streymt verður á Youtube. Kvöldmolar nefnist þátturinn og er einkum hugsaður fyrir íbúa í Borgarfirði en einnig fyrir alla áhugasama. Spjallað verður við fólk sem stendur í ströngu þessa dagana við að hefta útbreiðslu kórónuveirunnar. Einnig verður boðið uppá nokkra hugljúfa tóna.

Þáttinn verður hægt að horfa á þessari slóð á Youtube. Nánari upplýsingar um þáttinn má nálgast á Facebook.

Kvikmyndafjelagið stendur einnig fyrir bílabíói í Borgarnesi á morgun, mánudag, líkt og fjallað var um á mbl.is um helgina.

mbl.is

Stöndum saman

Við hjá Árvakri viljum vekja athygli á því sem vel er gert á þessum erfiðu tímum. Ef þú ert með góða sögu af fyrirtækjum og einstaklingum sem eru að gera gott, sendu okkur ábendingu á netfangið stondumsaman@mbl.is.

Stöndum saman