Starfsfólk á Landakoti hefur hafið söfnun fyrir spjaldtölvum á öldrunarlækningadeildir á Karolina Fund.

Á vefsíðu söfnunarinnar segir að á tímum Covid-19-sýkingarinnar sé endurhæfing takmörkuð við hreyfingu og virkni á herbergi eða á deild. Mikil áhersla sé á sýkingavarnir og erfitt sé að finna verkefni við hæfi með þeim úrræðum sem fyrir hendi eru.

Þá séu heimsóknir óheimilar og sjúklingar ekki með sjónvörp við rúm sín. Þá séu margir hverjir ekki góðir með litlu símana.

„Við teljum spjaldtölvur geta hjálpað til við að rjúfa einangrun með möguleika á spjalli og að geta séð sína nánustu, horft á sjónvarp/myndbönd, hlustað á hlaðvörp, verið í sudoku og ýmislegt fleira.“

Þess má geta að Karolina Fund hefur fellt niður þóknanir fyrir verkefni sem ætlað er að bæta samfélagið á tímum kórónuveirunnar.

Söfnun fyrir spjaldtölvum á Landakot á Karolina Fund

Tengdar fréttir

Stöndum saman

Þetta gerir Þórólfur þegar útlitið er svart: „Búin að vera þung vika“

• Nettó veitir 44 milljónir króna til góðgerðarmála
• Partíréttirnir sem Siggi Gunnars mælir með fyrir kvöldið!
• „Kirkjan er opin og kemur til þín“
• 400 krakka hópdans í morgunsólinni

» Fleiri tengdar fréttir

• Blogga um frétt