Fjöldi staðfestra smita af völdum kórónuveirunnar er nú 1.135 samkvæmt tölum sem birtar voru á covid.is eftir hádegi. Hefur smituðum fjölgað um 49 í gær, en tölurnar sína fjölda smita eftir gærdaginn, og eru það töluvert færri smit en daginn á undan.
47 smitanna voru greind á sýkla- og veirufræðideild Landspítalans og tvö hjá Íslenskri erfðagreiningu.
Samtals hafa verið tekin 17.904 sýni. 30 eru á sjúkrahúsi, þarf af 10 á gjörgæslu, en þeir voru 9 í gær.
960 eru í einangrun, 8.879 í sóttkví og 6.214 hafa lokið sóttkví. 157 hafa náð fullum bata.
Smit hafa greinst í öllum landshlutum, fæst tilfellin eru Vestfjörðum eða fjögur og fimm tilfelli hafa verið staðfest á Austurlandi. Sem fyrr eru langflest smit á höfuðborgarsvæðinu, eða 853 og 4.489 þar í sóttkví.