Tæplega þriðjungur þeirra sem greindust með staðfest kórónuveirusmit síðasta sólarhringinn voru þegar í sóttkví, eða 29%. Er það talsvert lægra hlutfall en verið hefur. Þetta sagði Þórólfur Guðnason sóttvarnalæknir á upplýsingafundi vegna kórónuveirufaraldursins.
Hingað til heftur hlutfall þeirra sem voru þegar í sóttkví þegar smit þeirra greindust yfirleitt verið í kring um 50% og var það talið bera merki þess að aðgerðir stjórnvalda væru að bera árangur.
49 ný kórónuveirusmit greindust í gær og eru smit því orðin 1.135. 30 eru á sjúkrahúsi, þar af 10 á gjörgæslu. Af þeim eru 9 á öndunarvél.