Penninn ehf. tilkynnti í dag Vinnumálastofnun um uppsagnir sem falla undir lög um hópuppsagnir. Alls var 90 starfsmönnum sagt upp störfum hjá fyrirtækinu og var starfshlutfall annarra starfsmanna skert. 

Frétt af mbl.is

Rúmlega 900 sagt upp hjá 22 fyrirtækjum

Þetta kemur fram í tilkynningu frá Pennanum. Þar segir að uppsagnirnar nái til allra deilda fyrirtækisins, en að aðallega sé um að ræða starfsmenn sem ekki nái 45% starfshlutfalli og falli því ekki undir sérúrræði stjórnvalda um skert starfshlutfall.

„Uppsagnirnar eru óhjákvæmileg afleiðing þess mikla samdráttar sem orðið hefur í þjóðfélaginu vegna Covid-19 veirunnar. Samdrátturinn hefur haft mikil áhrif á rekstur og afkomu Pennans sem hefur tímabundið lokað nokkrum verslunum sínum vegna ástandsins og skert opnunartíma annarra.“

Það er von forráðamanna fyrirtækisins að ástand það sem nú varir gangi yfir á skömmum tíma og að unnt verði að afturkalla sem flestar uppsagnir áður en þær taka gildi.  Um 250 starfsmenn starfa hjá Pennanum í 200 stöðugildum og tekur uppsögnin því til u.þ.b. 35 stöðugilda.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt