Reikniformúla sem grafið á covid.is byggir á var ekki uppfærð samhliða breytingu á skráningu þeirra sem eru í sóttkví og því birtust rangar tölur þess efnis um helgina. Þetta kemur fram í skriflegu svari Kjartans Hreins Njálssonar, aðstoðarmanns landlæknis, við fyrirspurn mbl.is.
„Reikniformúla sem grafið á covid.is byggir á var ekki uppfærð samhliða þessum breytingum og því birtust rangar tölur,“ segir Kjartan. Vegna villunnar birtist lægra hlutfall fyrir 28., 29. og 30. mars og var það sagt 51% en hið rétta er 54%.
Aðspurður hvort búast megi við frekari villum í tölulegu upplýsingunum segir Kjartan að svo sé ekki. „En erfitt er að koma alfarið í veg fyrir slíkt.“