„Þegar við mætum til ykkar, klædd eins og við séum að fara til tunglsins, í sóttvarnagalla, með grímur, með gleraugu og hanska, þá er það svo við getum haldið áfram að vinna fyrir ykkur, og til að við komumst heil heim til fjölskyldna okkar úr vinnunni.“ Þetta segir Loftur Þór Einarsson sjúkraflutningamaður sem smitaðist af kórónuveirunni í útkalli. 

Hann vill ítreka fyrir fólki að gefa upplýsingar um hvort það gæti mögulega verið smitað af kórónuveirunni þegar viðbragðsaðilar eru kallaðir út. Til þess að vernda fólk í framlínustörfum. 

Loftur hefur ekki verið með mikil einkenni COVID-19-sjúkdómsins og líðan hans er góð. Hann hefur verið í einangrun síðan 21. mars og losnar vonandi úr einangrun 6. apríl.

Af starfsmönnum slökkviliðs höfuðborgarsvæðisins eru í dag 3 starfsmenn í einangrun, 4 í sóttkví og 6 hafa lokið sóttkví og einangrun.

Þetta kemur fram á Facebook-síðu slökkviliðs höfuðborgarsvæðisins. 

Tengdar fréttir

Stöndum saman

Þetta gerir Þórólfur þegar útlitið er svart: „Búin að vera þung vika“

• Nettó veitir 44 milljónir króna til góðgerðarmála
• Partíréttirnir sem Siggi Gunnars mælir með fyrir kvöldið!
• „Kirkjan er opin og kemur til þín“
• 400 krakka hópdans í morgunsólinni

» Fleiri tengdar fréttir

• Blogga um frétt