Hafa verulegar áhyggjur af miklum ferðalögum

Veðurspá næstu daga er ekki góð og enga sól eða …
Veðurspá næstu daga er ekki góð og enga sól eða sumaryl að fá í bústöðum. mbl.is/Ómar

Almannavarnir á Suðurlandi ítreka hvatningu til fólks að vera sem mest heima um páska. Áður hefur Víðir Reynisson yfirlögregluþjónn hvatt fólk til að sleppa sumarbústaðaferðum um páska vegna kórónuveirufaraldursins.

Almannavarnir hafa verulegar áhyggjur af miklum ferðalögum yfir páskana sem gætu aukið verulega á álag á heilbrigðiskerfið okkar. Virðum þær takmarkanir og viðmiðanir sem settar eru til að forðast smit,“ segir í frétt á vef lögreglunnar.

Fólk þurfi að gæta að fjarlægðamörkum hvar sem það er; í sjoppu eða úti á göngu. 

„Við erum öll almannavarnir, erum mögulega að nálgast hálfleik, erum með verkefnið í ákveðnum tökum og ætlum ekki að fá á okkur klaufamörk rétt fyrir hálfleik,“ segir í fréttinni.

mbl.is

Bloggað um fréttina