Viðskiptavinir Landsbankans sem hafa orðið fyrir óvæntri tekjuskerðingu geta nú undirritað umsókn um frestun eða lækkun greiðslna af íbúðalánum með rafrænum hætti á vef bankans. Úrræðið getur náð til gjalddaga lána frá og með 1. apríl, að því er segir í tilkynningu á vef bankans.

Vegna efnahagslegra afleiðinga Covid-19 hafa allmargir viðskiptavinir óskað eftir að greiðslum af íbúðalánum verði frestað eða þær lækkaðar. Landsbankinn leggur áherslu á að geta brugðist hratt við þessum óskum og undanfarna daga hefur mikil vinna verið lögð í að gera umsóknarferlið rafrænt. Til að hægt sé að fresta greiðslum þarf að útbúa viðauka við lánið. Nú er hægt að skrifa undir viðaukann með rafrænum skilríkjum á vef bankans en áður þurfti að koma í útibú til að undirrita. Ekki er þörf á frekari staðfestingu frá lántaka.

Fresta má greiðslum af íbúðalánum um allt að sex mánuði. Hægt er að fresta gjalddögum frá og með 1. apríl, hafi greiðsla ekki þegar verið innt af hendi. Frestun greiðslna af íbúðalánum hentar fyrst og fremst einstaklingum og fjölskyldum sem verða fyrir óvæntri tekjuskerðingu.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt