Lífeyrir myndi skerðast um 772 kr.

Tímabundin skerðing mótframlags atvinnurekenda til lífeyrissjóða myndi leiða til 772 króna skerðingar á lífeyristekjum fólks á meðaltekjum á mánuði, eftir 30 ár, að gefnum vissum forsendum, segir í frétt Morgunblaðsins í dag. Þar kemur fram að þetta sé byggt á útreikningum hagdeildar ASÍ en það er ekki rétt segir Henný Hinz, hagfræðingur ASÍ. Beðist er afsökunar á þessari rangfærslu og hún leiðrétt hér með.

Ef ekkert yrði gert og það leiddi til þess að kaupmáttur minnkaði um 1% myndi það leiða til 4.300 króna tekjuskerðingar á mánuði, að því er fram kemur í fréttaskýringu um þetta mál í Morgunblaðinu í dag.

Skilningur virðist hafa verið fyrir því innan samninganefndar Alþýðusambands Íslands og miðstjórnar að vandi atvinnulífsins er mikill og hann bitnar á launafólki. Eigi að síður var báðum þeim tillögum sem upp komu um að draga tímabundið úr launakostnaði fyrirtækja hafnað. 9