Ekkert ferðaveður

Björgunarsveitir hafa þurft að aðstoða ökumenn vegna ófærðar í dag og eins hafa þær flutt sýni í rannsókn. Ekkert ferðaveður er á Suðurlandi og stórhríð á köflum um landið norðanvert. Fjallvegum þar verður lokað fyrir nóttina. Appelsínugular viðvaranir hafa verið gefnar út um allt land nema á höfuðborgarsvæðinu þar verður gult ástand.

Versnandi veður í kvöld og nótt, allvíða stormur eða rok í fyrramálið og fram eftir morgundegi með talsverðri snjókomu, en slíkt veður kallast einnig stórhríð.
Síðdegis á morgun lagast veður mjög á sunnan- og austanverðu landinu, en norðan- og vestanlands batnar annað kvöld og aðfaranótt mánudags.

Frétt af mbl.is

Bjarga fólki af Sólheimasandi

Mjög hvasst er um sunnanvert landið og slæmt ferðaveður. Búið er að loka Hellisheiði og Þrengslum vegna veðurs. Á Vestfjörðum er Klettsháls ófær sem og Gemlufallsheiði sem verður væntanlega ekki opnuð fyrr en á mánudag miðað við veðurspá.

Á Norðurlandi er víða stórhríð og vegir ófærir eða lokaðir. Siglufjarðarvegur er ófær og Öxnadalsheiði er lokuð vegna veðurs. Vonskuveður er á Norðausturlandi og margar helstu leiðir ófærar eða lokaðar. Lokað er um Mývatns- og Möðrudalsöræfi vegna veðurs. Fjarðarheiði er lokuð vegna veðurs.

Vegurinn undir Eyjafjöllum, milli Seljalandsfoss og Víkur er lokaður vegna veðurs.

• Blogga um frétt