Ferð TF-GRO, þyrlu Landhelgisgæslunnar, sem flaug á þriðja tímanum með tíu úr bakvarðasveit heilbrigðiskerfisins til Ísafjarðar, var vel nýtt en þyrlan flutti jafnframt veirupinna og grímur vestur. 

Frétt af mbl.is

10 bakverðir um borð í þyrlu á leið á Vestfirði

Ferðin var jafnframt nýtt til þess að sækja möguleg COVID-19-sýni sem fara í greiningu í Reykjavík, að því er segir í tilkynningu frá Landhelgisgæslunni.

Þyrla Landhelgisgæslunnar flutti starfsfólk heilbrigðisþjónustunnar á Bolungarvík á Vestfjörðum. mbl.is/Árni Sæberg

Þyrlan tók á loft frá Reykjavíkurflugvelli laust eftir klukkan tvö og lenti rúmri klukkustund síðar á flugvellinum á Ísafirði.

Hér má sjá myndband sem var tekið fyrir brottför á Reykjavíkurflugvelli, en Árni Sæberg, ljósmyndari mbl.is og Morgunblaðsins, var einnig á staðnum. 

TF-GRO, þyrla Landhelgisgæslunnar, flaug á þriðja tímanum með tíu úr bakvarðasveit heilbrigðiskerfisins til Ísafjarðar. Ljósmynd/Landhelgisgæslan

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt